Qyzylordada karantın talabyn buzǵan 5 nysan ıesi jaýapqa tartyldy
QYZYLORDA. QazAqparat - Qyzylordada jyl basynan beri monıtorıngtik top músheleri karantın talabyn buzǵan 7 derekti anyqtady, dep habarlaıdy QazAqparat tilshisi.
Óńirde bul maqsatta 24 monıtorıngtik top qurylǵan. Top músheleri jyl basynan beri karantın talabyn buzǵan 7 oqıǵany tirkedi.
«Syrdarııa jáne Jańaqorǵan aýdandarynda jeke turǵyn úıde toı jasamaq bolǵan turǵyndar tıisti zańdylyqty saqtamaǵan. Osyndaı olqylyqtarǵa jol bergen 5 halyqqa qyzmet kórsetý nysanynyń ıesi jazalandy. Halyqqa qyzmet kórsetý oryndaryndaǵy karantın talaptaryn buzýshylyqtyń basym bóligi sanıtarııa talaptarynyń saqtalmaýyna baılanysty bolǵan. Sonymen qatar, shekti ýaqyttan asyryp jumysyn jalǵastyrǵan nysandar da bar», - dep málim etti Qyzylorda oblysy sanıtarııalyq-epıdemıologııalyq baqylaý departamentiniń baspasóz qyzmeti.
Anyqtalǵan karantın talabyn buzý derekteri boıynsha QR Ákimshilik quqyq buzýshylyq týraly kodekstiń 425-babynyń 1-bóligimen aıyppul salyndy. Onyń jalpy somasy 569490 teńgeni quraıdy.
Sondaı-aq, Qyzylorda oblysy sanıtarııalyq-epıdemıologııalyq baqylaý departamentine jańa basshy taǵaıyndaldy.
