Qyzylordada karantın shekteýi kúsheıtilýi múmkin
Qyzylorda oblysy epıdemıologııalyq jaǵdaıdy baǵalaý matrıtsasyna sáıkes 21 sáýirden bastap «sarydan» «qyzyl aımaqqa» aýysty. Byltyrǵy jyldan beri óńirde COVID-19 ınfektsııasynyń 4 890 deregi esepke alynǵan. Jyl basynan beri 1 498 jaǵdaı tirkeldi. Olardyń basym kópshiligi sáýir aıynyń 20 kúninde tirkelip otyr. Ol 846 derekti quraıdy.
«Ótken táýlikte qaterli dertti juqtyrýdyń 47 jańa jaǵdaıy kórinis berdi. Onyń ishinde Qyzylorda qalasynda 22 adam koronavırýs juqtyrsa, aýdan boıynsha Qazalyda - 9, Jańaqorǵan men Qarmaqshyda - 7, Shıeli men Syrdarııada - 1 jaǵdaı esepke alyndy. QR Bas memlekettik sanıtarııalyq dárigeriniń 2021 jylǵy 25 naýryzdaǵy №12 qaýlysyna sáıkes shekteý sharalaryn qatańdatý epıdemıologııalyq jaǵdaı kúrdelengen jaǵdaıda («sary» aımaqtan «qyzyl» aımaqqa kóshý) 5 kún ishinde júrgiziledi»,- dep málim etti sanıtarııalyq-epıdemıologııalyq baqylaý departamentiniń baspasóz hatshysy Aıman Janahaeva.
Eske salsaq, Qyzylordada 20,6 myń adam koronavırýs vaktsınasyn saldyrdy.
