Qyzylordada karantın kezinde tegin tamaq taratyp, kóp adam jınaǵan dámhana anyqtaldy
Oblysta karantın talabyn saqtaýdy qadaǵalaıtyn monıtorıng tobynyń músheleri jyl basynan beri 985 nysanǵa tekserdi. Nátıjesinde 42 karantın talabyn buzý anyqtaldy.
Qoǵamdyq tamaqtaný oryndarynda 25 derek tirkeldi. Onyń ishinde betperde rejımi saqtamaý, karaoke jumys istep, korqor paıdalaný, belgilengen shekti ýaqyttan asyryp jumys jasaý bar.
«Budan bólek, qalada ornalasqan tamaqtaný ornynyń birinde jańadan ashylýyna oraı tegin as taratylyp, shamadan tys adamnyń jınalýyna sebep bolǵan. Úı jaǵdaıynda uıymdastyrylǵan merekelik-kópshilik is-sharalar da tyıylmaı tur. Jyl basynan beri qyz uzatý, úılený, tusaýkeser sııaqty 8 toı anyqtalǵan. Dástúrli formatta oqıtyn oqýshylar arasynda koronavırýs ınfektsııasy taralýynyń aldyn alý maqsatynda monıtorıng jumysy bilim berý nysandarynda da kúsheıtilgen. Degenmen, buǵan baılanysty 6 karantın talabyn saqtamaý deregi anyqtaldy. Keıbir bilim berý oryndarynda synypta 15 oqýshydan artyq bala oqýyna jol berilgen», - dep málim etti Qyzylorda oblysynyń sanıtarııalyq-epıdemıologııalyq baqylaý departamentinen.
Vedomstvo málimetinshe, anyqtalǵan 42 derek negizinde QR Ákimshilik quqyq buzýshylyq týraly kodeksiniń 425-babynyń 1-bóligi boıynsha is qozǵalǵan. Olarǵa jalpy somasy 3 587 910 teńgege ákimshilik aıyppul salynǵan.
Esterińizge sala ketelik, 9 aqpanda Qyzylordada karatınge baılanysty birqatar shekteý sharasy jeńildetildi.