Qyzylordada karantın kezinde demalys ornynda otyrys uıymdastyrǵan turǵyn jazalandy

QYZYLORDA. QazAqparat - Qyzylorda qalasynda karantın kezinde jalǵa beriletin demalys ornynda otyrys uıymdastyrǵan turǵyn jazaǵa tartyldy, dep habarlaıdy QazAqparat tilshisi.

Qyzylordada 1-3 mamyr aralyǵynda Qyzylorda qalalyq polıtsııa basqarmasynyń qyzmetkerleri qala mańyndaǵy saıajaı ýchaskelerine reıdtik tekserýler júrgizdi.

«Tekserý barysynda karantın rejımine qaramastan PMK-29 saıajaıynda demalys uıymdastyrǵan 1 azamatqa qatysty hattama toltyryldy. Onyń qasyndaǵy 8 tulǵamen profılaktıkalyq túsindirý jumystary júrgizildi», - dep málim etti Qyzylorda oblysy polıtsııa departamentiniń baspasóz qyzmeti.

Qazirgi tańda Qyzylorda oblysynda koronavırýs ınfektsııasy dıagonozy qoıylǵan 214 naýqas tirkelgen.

Onyń 138-i indetten saýyǵyp shyqty. Qazirgi kezeńde ınfektsııalyq statsıonarda 76 naýqas em qabyldasa, 24-i provızorlyq statsıonarǵa, 402-si karantındik statsıonarǵa jatqyzylǵan.