08:41, 01 Mamyr 2020 | GMT +5
Qyzylordada karantın kezinde aýyzashar bergen turǵyn jaýapkershilikke tartyldy
QYZYLORDA. QazAqparat - Qyzylordada karantın kezinde aýyzashar bergen turǵynǵa aıyppul salyndy, dep habarlaıdy QazAqparat tilshisi.
26 sáýirde qyzylordalyq úıinde aýyzashar bergen. Oǵan qalanyń ár túkpirinde turatyn tanystaryn shaqyrǵan. Artynan olar monshaǵa túsken.
«QR Ákimshilik quqyq buzýshylyqtar týraly kodeksiniń 476-babyna sáıkes (tótenshe jaǵdaı rejımin buzý) bes azamatqa qatysty ákimshilik hattama toltyryldy. Jınaqtalǵan qujattar sotqa joldandy. Sot sheshimimen tártip buzýshylarǵa aıyppul salyndy», - dep málim etti Qyzylorda oblystyq polıtsııa departamentiniń baspasóz qyzmeti.
Qazirgi tańda Qyzylorda oblysynda koronavırýs ınfektsııasy dıagnozy qoıylǵan 201 adam tirkeldi. Onyń ishinde 118 adam emdelip shyqty.