Qyzylordada qaraqshylyq jasap, 5 mln teńgeni alyp ketken qylmysker sottaldy
QYZYLORDA. QazAqparat - Qyzylordada jeke túrǵyn úıge qaraqshylyq jasaǵan jergilikti turǵynǵa qatysty sot úkimi shyqty. Ol úıge qaraqshylyq shabýyl jasap, úı ıesin soqqyǵa jyǵyp, seıften 5 mln teńgeni alyp ketken, dep habarlaıdy QazAqparat tilshisi.
Atalmysh oqıǵa 2018 jyldyń qyrkúıek aıynda bolǵan. Qyzylorda qalasynda ornalasqan úıdiń jatyn bólmesine terezeden kirgen baýkespe sol bólmedegi seıfti qolyndaǵy temirmen buzýǵa kirisedi. Jatyn bólmeden shyqqan daýysty estigen úı turǵyny solaı qaraı betteıdi. Jábirlenýshiniń ózderine qaraı bettegenin estigen qaraqshy oǵan bas shúıde tusynan soqqy beredi. Jábirlenýshi alǵan soqqydan esin joǵaltyp aldy. Seıften 5 mln teńgeni qoldy etken olar oqıǵa ornynan boı tasalap úlgeredi. Degenmen ol alysqa uzaı alǵan joq. Polıtsııa qyzmetkerleriniń qolyna tústi.
Atalmysh qylmystyq is Qyzylorda oblysynyń qylmystyq ister jónindegi mamandandyrylǵan aýdanaralyq sotynda qaraldy.
«Sot úkimimen sottalýshy K. Qazaqstan Respýblıkasynyń Qylmystyq Kodeksiniń 192-babynyń 4-bóliginiń, 2-tarmaǵymen kináli dep tanyldy. Ol 10 jylǵa bas bostandyǵynan aıyryldy. Jazasyn qylmystyq-atqarý júıesiniń qaýipsizdigi barynsha joǵary mekemelerinde óteıdi», - dep jazylǵan Qyzylorda oblysynyń qylmystyq ister jónindegi mamandandyrylǵan aýdanaralyq soty taratqan habarlamada.
Osyǵan deıin qyzylorda oblysyndaǵy órtten eki balanyń qaıtys bolǵanyn jazǵan edik.
