Qyzylordada qaraqshylyq shabýyl jasaǵandar ustaldy
QYZYLORDA. QazAqparat - Qyzylordada qaraqshylyq shabýyl jasaǵan 4 adam ustaldy, dep habarlaıdy QazAqparat.
Qańtar aıynyń 2-nen 3-ne qaraǵan túni saǵat 00.30 shamasynda A.Baıtursynov kóshesiniń boıynda ornalasqan oıynhanalardyń birine betperde kıgen bir top belgisiz azamattar basa-kóktep kirgen. Qolyndaryndaǵy pyshaqtarymen oıynhana kassırin qorqytyp, kassadan 220 myń teńgeni alyp, oqıǵa ornynan boı tasalaǵan.
Qyzylorda qalalyq ІІB «102» arnasyna túsken habarlama negizinde oqıǵa ornyna jedel-tergeý toby jiberilip, qylmys ornynan «Strımmer» gazdy-travmatıkalyq tapanshasy alyndy. Jedel-izdestirý sharalary nátıjesinde 18, 21 jáne 22 jastaǵy 4 azamat ustalyp, barlyǵy da ýaqytsha ustaý ızolıatoryna qamaqqa alyndy.
Qazir osy oqıǵa boıynsha Sotqa deıingi tergep-tekserýdiń biryńǵaı tizilimine QR Qylmystyq kodeksiniń 192-baby 2-bóligimen tirkelip, tergeý amaldary júrgizilýde.
