Qyzylordada qaraqshylyq shabýyl jasaǵandar sottaldy
QYZYLORDA. QazAqparat - Qyzylordada jeke úıge qaraqshylyq shabýyl jasaǵan qylmystyq topqa qatysty sot úkimi shyqty, dep habarlaıdy QazAqparat tilshisi.
Atalmysh oqıǵa 2018 jyldyń shilde aıynda oryn alǵan. Qylmyskerler jeke úılerdiń birinde kózir oınalatynyn, onda birneshe mıllıon teńge bás tigiletinin aldyn ala bilgen. Soǵan sáıkes jospar qurady. Árbiri ózi atqaratyn mindetterin bólisedi.
Barý úshin arnaıy jeńil kólik ázirleıdi. Osydan soń ózderiniń áreketine kirisedi. Álgi úıge baryp aýlada otyrǵan adamdardy kórip, myltyqpen oq atady. Oqtan bir adam aýyr jaralanyp, ol aýrýhanada kóz jumdy. Degenmen qylmystyq top músheleri boı tasalap kete alǵan joq. Polıtsııa quryǵyna ilikti. Olardyń arasynda sol ýaqytta kámelettik jasqa tolmaǵan jasóspirim de bar bolyp shyqty.
Atalmysh isti qaraǵan Qyzylorda oblysynyń Qylmystyq ister jónindegi mamandandyrylǵan aýdanaralyq soty úkim shyǵardy. Adamdarǵa qarýmen shabýyl jasaǵan eki qylmysker 17-19 jylǵa bas bostandyǵynan aırylsa, qalǵan tórteýi 6-8 jyl aralyǵynda osyndaı jazaǵa tartyldy.
Eske sala ketsek, budan buryn Qyzylordada páter urlyǵyn kásip etken qylmystyq top quryqtalǵan bolatyn.
