Qyzylordada qaraqshylyq shabýyl jasaǵan 4 adam ustaldy
QYZYLORDA.QazAqparat-Qyzylorda oblysy Іshki ister departamentiniń polıtsııa qyzmetkerleri dúken ıesiniń úıine qaraqshylyq shabýyl jasaǵan 4 qylmyskerdi ustady, dep habarlaıdy QazAqparat tilshisi.
Oqıǵa 2017 jyldyń 3 mamyr kúni tańǵy saǵat 04.48 shamasynda oryn alǵan. Betterine betperde kıgen 4 azamat Qaınarbaev kóshesinde ornalasqan úıge basa kóktep kirgen. Sol ýaqytta úılerinde uıyqtap jatqan 39 jastaǵy úı ıesin jáne 37 jastaǵy sińlisin qarýmen qorqytyp, aıaq-qoldaryn baılap-tastaǵan. Sodan keıin jatyn bólmede turǵan 130 myń teńge kólemindegi aqshany jáne sol úıde ornalasqan dúkennen temeki ónimderin alyp, oqıǵa ornynan boı tasalaǵan. Keltirilgen jalpy shyǵyn kólemi 230 myń teńgeni quraǵan.
Qurylǵan arnaıy jedel tergeý toby dereý qylmysty ashýǵa kirisip, barlyq aqparattar men derekter tekserilip, jan-jaqty nusqalar qarastyryldy. Júrgizilgen jedel-izdestirý sharalary nátıjesinde 22, 25, 28 jáne 27 jastaǵy kúdiktiler ustalyp, Ýaqytsha ustaý ızolıatoryna qamaqqa alyndy.
Atalǵan derek Sotqa deıingi tergep-tekserýdiń biryńǵaı tizilimine Qazaqstan Respýblıkasy Qylmystyq kodeksiniń 192-baby 2-bóligi 1 jáne 3 tarmaǵy (adamdar tobynyń aldyn ala sóz baılasýymen jasalǵan qaraqshylyq) boıynsha tirkelip, tergep-tekserý jumystary júrgizilýde.
