Qyzylordada qańǵybastyqqa salynǵan adamdarǵa kómek kórsetildi
Sońǵy kúnderde oblysta aýa raıynyń kúrt sýytty. Osyǵan baılanysty Qyzylorda qalalyq Polıtsııa basqarmasynyń qyzmetkerleri turǵylyqty mekeni joq adamdardy jyly jerlerge ornalastyrý boıynsha sharalar qabyldaýda. Bul maqsatta ýchaskelik ınspektorlar, krımınaldyq polıtsııa jáne patrýldik polıtsııa bóliminiń qyzmetkerleri jumyldyryldy. Tártip saqshylary qańǵybas adamdardy anyqtaý maqsatynda qurylysy aıaqtalmaǵan ǵımarattarǵa, shatyrlar men jertólelerge, káriz qudyqtaryna tekserý júrgizýde.
«Tekserý barysynda olardyń turǵylyqty mekenjaıy men jaqyn týystarynyń bar ekendigi anyqtalady. Keıbir azamattar óz erkimen otbasysyn tastap, kóshede ómir súrýdi ádetke aınaldyrǵan. Reıdtik sharalar barysynda Qyzylorda qalasynda qańǵybastyqqa salynǵan, turaqty mekenjaıy joq 455 azamat anyqtaldy. Bul azamattar Qyzylorda qalalyq polıtsııa basqarmasynyń qabyldaý-taratý ornynda esepke alyndy. Al Qyzylorda qalalyq áleýmettik beıimdeý ortalyǵyna 20 azamat jetkizildi. Onda ornalastyrylǵan azamattar tegin tamaqpen, qajetti medıtsınalyq dári-dármekpen, kıim-keshekpen qamtamasyz etiledi», - dep málim etti Qyzylorda oblystyq polıtsııa departamentiniń baspasóz qyzmeti.
Sondaı-aq, qyzylordalyq polıtseıler jolda qalǵan qyrǵyzstandyq júrgizýshilerge kómektesti.