Qyzylordada qańǵybastyqqa salynǵan 90 jasóspirim beıimdeý ortalyǵyna ornalastyryldy

QYZYLORDA. QazAqparat - Qyzylordada qańǵybastyq pen kezbelikke salynǵan 90 jasóspirim beıimdeý ortalyǵyna ornalastyryldy, dep habarlaıdy QazAqparat tilshisi.

Óńirde Jasóspirimder arasyndaǵy quqyq buzýshylyq pen qylmystardyń aldyn alý maqsatynda turaqty túrde «Jasóspirim», «Balalar túngi qalada», «Ata-ana. Jasóspirim.Kóshe», «Turmys», «Kvadrat», «Ýchaske» synly jedel profılaktıkalyq is-sharalary ótkizilýde.

«Atalǵan jumystar negizinde qańǵybastyq pen kezbelikke salynǵan 90 jasóspirim beıimdeý ortalyǵyna ornalastyrylǵan. Balalaryn tárbıeleý jáne oqytý jónindegi mindetterin tıisti deńgeıde oryndamaǵan 39 ata-ana ákimshilik jaýapkershilikke tartyldy. Sonymen qatar, túngi ýaqytta (saǵat 23:00-den keıin) zańdy ókilsiz júrgen 1246 jasóspirimniń ata-analaryna qatysty ákimshilik shara qoldanyldy», - dep málim etti Qyzylorda oblystyq polıtsııa departamentinen.