Qyzylordada Qanat Júnisovtiń «Ǵashyqtar hıkaıasy» komedııasy sahnalandy
QYZYLORDA. QazAqparat - Qyzylordadaǵy N. Bekejanov atyndaǵy teatr sahnasynda «Ǵashyqtar hıkaıasy» komedııasy óner súıer qaýymnyń nazaryna usynyldy, dep habarlady QazAqparat tilshisi.
Komedııalyq týyndy kórermen kóńilin sergitip, stýdenttik jyldardyń tátti shaqtaryna jetelegeni ras. Kórermen zalynda ıne shanshyr jer bolmady.
Stýdenttik shaq. Qyzyǵy men shyjyǵy qatar júretin eń bir ǵajap kez. Qııal álemine jeteleıtin ǵashyqtyq sezimin bastan keshesiń bul sátte. Óz súıgeniń úshin qandaı táýekelge bolsa da baratyn batyrlyq bolady ǵoı boıyńda. Jataqhana bólmesindegi 4 jigittiń taǵdyry. Júrekterin ǵashyqtyq derti boılap, sezim tálkegine túsken jigitter súıiktilerin qaratý úshin qandaı amalǵa barady? Oqıǵa osylaısha qyza tústi. 
Jastardyń basty taqyryby mahabbat pen shynaıy dostyqty sıpattaıtyn spektakl kóptiń kóńilinen shyǵa bildi. Sońǵy áýen shyrqalǵan sátte barlyq kórermen oryndarynan túregelip, qosyla shyrqap, osy qoıylymdy birge oınap shyqqandaı sezimde boldy. Kórermenniń júregine jol tapqan qoıylymda jastardyń kóńil-kúıleri kóterilip, rızashylyqtaryn bildirdi. Sonymen qatar teatr ártisterine degen ystyq tilekterin bildirip, gúl shoqtaryn usyndy.
