Qyzylordada kanalǵa sýǵa batyp ketken er adam men jasóspirimniń denesi izdestirilýde
QYZYLORDA. QazAqparat - Qyzylorda oblysynda kanalǵa sýǵa batyp ketken 33 jastaǵy er azamat pen 13 jastaǵy jasóspirimniń deneleri bir kúnnen beri izdestirilip jatyr, dep habarlaıdy QazAqparat tilshisi.
Oqıǵa Jańaqorǵan aýdanyna qarasty Kóktóbe aýyly aýmaǵyndaǵy Kelintóbe kanalynda 27 maýsymda saǵat 14:12 shamasynda bolǵan. Shymkent qalasynda turatyn 1988 jylǵy er azamat pen 2008 jylǵy jasóspirim sýǵa batyp ketken.
«Oqıǵa ornyna jedel qutqarý jasaǵynan 6 qutqarýshy 1 tehnıka, 1 úrlemeli qaıyq, 3 jınaq súńgýir jabdyǵymen bardy. Mamandar saǵat 18.34-te izdestirý jumystaryn bastady. Oǵan qosa motorly qaıyqpen sý betinde izdestirý júrgizildi. Oǵan barlyǵy 13 adam qatysty», - dep málim etti oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetinen.
Vedomstvo málimetinshe, izdestirý búgin de jalǵasýda. Mamandar 6.00-den bastap izdeý sharasyna qaıta kiristi.
Eske salsaq, budan buryn Qyzylordada 8 jasar ul bala sýǵa batyp ketti.
