Qyzylordada kanalǵa qulaǵan tórt jasar qyz bala mert boldy

QYZYLORDA. QazAqparat - Qyzylorda oblysynda kanalǵa qulaǵan tórt jasar qyz bala mert boldy, dep habarlaıdy QazAqparat tilshisi.

Qaıǵyly oqıǵa Syrdarııa aýdanyna qarasty Aqjarma aýylyna bes shaqyrym qashyqta ornalasqan kanalda boldy. Ata-anasynyń qaraýynsyz qalǵan qyz bala kanalǵa abaısyzda qulap ketken.

«Máıit jergilikti turǵyndardyń kúshimen sýdan shyǵaryldy. Sol azamattardyń kúshimen jerlendi», - dep málim etti Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń ókilderi.

Jyl basynan beri Qyzylorda oblysynda 18 adam sýǵa ketti. Onyń 8-i – bala.

Budan buryn Qyzylordada kól jaǵasynda bas qosqan jeti jigittiń biri sýǵa ketkendigin jazdyq.