Qyzylordada kanalǵa batyp ketken jigitti izdeýge 14 qutqarýshy tartyldy
QYZYLORDA. QazAqparat - Qyzylordada Shirkeıli kanalyna sýǵa batyp ketken jigittiń máıitin izdeýge 14 qutqarýshy tartyldy, dep habarlaıdy QazAqparat tilshisi.
Esterińizge sala ketelik, búgin elorda ýaqytymen 05.55-te Qyzylorda oblystyq tótenshe jaǵdaılar departamenti jedel kezekshisine habar kelip túsken. Onda Qyzylorda qalasyndaǵy avtokólik kópiriniń mańyndaǵy Shirkeıli kanalyna 28 jastaǵy azamattyń sýǵa ketkeni aıtylǵan. Málim bolǵany, ol kanalǵa jýynýǵa barǵan sátte qulap ketken.
«Oqıǵa ornyna mamandar 3 tehnıka jáne 2 qaıyqpen jetti. Qazir sýda izdestirý jumystary júrgizilýde», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń ókilderi.
