Qyzylordada kanaldy atpen keship ótpek bolǵan oqýshy sýǵa ketti
Keshe, 14 maýsymda aýdanǵa qarasty Báıgequm aýylyndaǵy Hanqoja kóline 28 jastaǵy azamat batyp ketti. Ol shomylýǵa arnalmaǵan jerge túsken. Denesin sýdan dostary alyp shyqqan.
Osyndaı taǵy bir oqıǵa aýdanǵa qarasty Á.Tájibaev aýylynda da boldy. 8-synyp oqýshysy eldi mekenge jaqyn jerdegi Telikól kanalyn atpen keship ótpek bolyp, sýǵa ketken. Onyń máıiti aýyl turǵyndarynyń kúshimen shyǵaryldy.
«Jyl basynan beri 15 adam sýǵa ketip, kóz jumdy. Bir adam qutqaryldy. Sońǵy aptada úsh adam sýǵa ketti. Turǵyndardan barlyq qaýipsizdik sharalaryn saqtaýyn suraımyz», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Buǵan deıin Qyzylordada 45 jastaǵy turǵyn Syrdarııaǵa batyp ketkenin jazǵan bolatynbyz.