Qyzylordada kanal mańynda soqtyǵysqan eki kóliktiń biri sýǵa batyp ketti
Oqys oqıǵa búgin, 19 shildede Qorqyt ata áýejaıyna baratyn tasjol boıyndaǵy «Shirkeıli» kanalynyń tusynda boldy. «Toyota Camry» jáne «Daewoo Nexia» jeńil avtokólikteri soqtyǵysqan.
«Jol-kólik oqıǵasynan «Toyota Camry» avtokóligi kanalǵa túsip ketken. «Daewoo Nexia» avtokóliginiń júrgizýshisi medıtsınalyq mekemege jetkizildi.
Atalǵan derek boıynsha QR Qylmystyq kodeksiniń 345-babynyń 4-bóligimen sotqa deıingi tergep-tekserý amaldary júrgizilýde. Onda kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy, abaısyzda eki nemese odan da kóp adamnyń ólimine ákep soqqan is-áreket jaǵdaıy kórsetilgen. Oryn alǵan jol-kólik oqıǵasynyń sebep-saldary anyqtalýda», - dep málim etti Qyzylorda oblystyq polıtsııa departamentiniń baspasóz qyzmetinen.
Áleýmettik jelide sýǵa qulap ketken kólik ishinde eki adamnyń bolǵany aıtylýda.
Eske sala ketsek, budan buryn balyq aýlaýǵa shyqqan azamat Syrdarııaǵa batyp ketken edi.
Oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetiniń mamany Álııa Erejepovanyń habarlaýynsha, oqıǵa ornynda jedel qutqarý jasaǵynyń 14 qutqarýshysy 4 tehnıka jáne 2 sýǵa júzý qaıyǵymen baryp, izdestirý jumystaryn júrgizýde.