Qyzylordada kámeletke tolmaǵan balalar tergeý ızolıatoryn aralady
QYZYLORDA. QazAqparat - Qyzylordada qoǵamnan oqshaýlamaıtyn jaza túrine sottalǵan kámeletke tolmaǵan jasóspirimder ZK-169/1 mekemesin aralap kórdi, dep habarlaıdy QazAqparat tilshisi.
Atalmysh sharany Qyzylorda oblysy boıynsha qylmystyq atqarý júıesi departamentiniń mamandary uıymdastyrdy. Shara barysynda jetkinshekter tergeý ızolıatoryndaǵy oqshaýlaý oryndary jáne óndiristik aımaqty aralap kórdi.
«Bul sharany uıymdastyrýdaǵy negizgi maqsat – esepte turǵan kámeletke tolmaǵan balalar jasaıtyn quqyq buzýshylyqtyń aldyn alý jáne qylmysty qaıta boldyrmaý. Bıylǵy jyldyń 10 aıynda kámelet jasyna tolmaǵan 29 sottalýshy Qyzylorda qalalyq probatsııa qyzmetiniń esebine ótken. Onyń ekeýi sottalǵan minez-qulqy qıyn balalardy tárbıeleıtin devıantty mektep ortalyǵynda. Osyndaı profılaktıkalyq is-sharalar arqyly qylmys jasaǵan jasóspirimderge jaza baspaý qajettigin eskertip jatyrmyz», - deıdi qalalyq probatsııa qyzmeti bastyǵynyń orynbasary Aıgúl Quraqbaeva.
Olardyń kúndelikti turǵylyqty mekenjaıy tekserilip, profılaktıkalyq áńgime júrgiziledi.
Atalmysh sharaǵa probatsııa esebinde turǵan onnan astam kámeletke tolmaǵan bala qatysty.
