Qyzylordada qalalyq densaýlyq jáne demalys saıabaǵy ashyldy
Qyzylorda qalasynyń mereıli merekesiniń saltanatty ashylýy «Qalalyq densaýlyq jáne demalys saıabaǵynyń» paıdalanýǵa berýimen bastaldy. Atalǵan sharaǵa oblys ákimi Gúlshara Ábdiqalyqova men qala ákimi Nurlybek Nálibaev qatysty.
Oblys ortalyǵynyń kelbetine árlendire túsken alleıa qaladaǵy kórikti oryndardyń birine aınalmaq. Saıabaqtyń ashylý rásiminde oblys ákimi turǵyndardy merekemen quttyqtap izgi lebizin bildirdi.
Qala ákimi Nurlybek Nálibaev aldaǵy ýaqytta saıabaqta kásipkerlerdiń qoldaýymen oıyn attraktsıondary ornatylyp, munda sporttyq, patrıottyq is-sharalar ótkizelitinin aıtyp ótti.
Aıta keteıik, saıabaq 35 gektar aýmaqta ornalasqan. Munda velojol, 6 sporttyq oıyn alańy, túngi jaryq shamdary barlyǵy úılesimdi ornalasqan. Sonymen qatar 20 myńnan astam kóshet pen 61 myńǵa jýyq gúlder egilgen. Saıabaqta barlyǵy 10 myńnan astam sharshy metr aýmaq abattandyrylǵan.
Sondaı-aq, Qyzylordada shaǵyn kásipkerlik nysandarynyń sany artty.