Qyzylordada qalalyq aýrýhana qalypty jumysqa qaıta kóshti
Qyzylorda oblystyq densaýlyq saqtaý basqarmasynyń habarlaýynsha, óńirde epıdemıologııalyq ahýal turaqtaldy. Vırýs juqtyryp aýyrǵan naýqastardyń sany azaıdy. Nátıjesinde oblysta provızorlyq, ınfektsııalyq statsıonarlar jabyldy. Birqatar aýrýhanalar qalypty jumysqa kóshti. Solardyń qatarynda kópbeıindi qalalyq aýrýhana da bar.
«Emdeý orny 10 tamyzdan bastap qalypty jumys jaǵdaıyna kóshti. Aýrýhana naýqastar sany artqan 19 maýsym men 3 tamyz aralyǵynda halyqqa provızorlyq statsıonar qyzmetin kórsetti. Epıdemıologııalyq ahýaldyń turaqtalýyna baılanysty emdeý orny jedel jáne josparly túrde naýqastardy qabyldaýdy qaıta bastady. Aýrýhana burynǵy jumys júıesine kóshken kúnnen bastap munda 80-ge jýyq naýqas qaraldy. Onyń ishinde 30 naýqas kórsetkishi boıynsha em alýǵa jatqyzyldy. Atap aıtqanda, naýqastar kardıologııalyq, terapııalyq, gınekologııalyq, travmatologııalyq, hırýrgııalyq beıinderi boıynsha em qabyldady», - dedi Qyzylorda oblystyq densaýlyq saqtaý basqarmasynyń ókilderi.
Sondaı-aq, ota qajet etetin naýqastarǵa tıisti sharalar atqaryldy. Onda 11 tamyzdan bastap ambýlatorııalyq emhanalar joldamasy arqyly josparly túrdegi naýqastar portal boıynsha aýrýhanaǵa jatqyzylýda.
Sondaı-aq, Jańaqorǵandaǵy aýrýhananyń ınfektsııalyq bóliminen sońǵy naýqas emdelip shyqty.