Qyzylordada qala ortasyna sora ekken azamat ustaldy
ASTANA. QazAqparat - Respýblıka aýmaǵynda júrgizilip jatyrǵan «Kóknar» jedel-profılaktıkalyq is-sharasy barysynda qyzylordalyq polıtseıler óz úıiniń aýlasynda quramynda esirtki zaty bar sora ósimdigin egip, baptaý jumysymen aınalysyp júrgen 57 jastaǵy azamatty ustady, dep habarlaıdy ІІD basgpasóz qyzmeti.
2017 jylǵy 8 qyrkúıekte Qalalyq ishki ister basqarmasyna belgisiz bir azamattyń úıiniń aýlasynda sora ósimdigine uqsas ósimdikti egip júrgendigi jaıly habarlama kelip túsedi. Tıisti tekserý jumystary júrgizilip, oqıǵa ornynan aıǵaq zat retinde 72 túp shóptektes zat alyndy. Atalǵan zatqa tıisti saraptama taǵaıyndalyp, qorytyndysymen quramynda esirtki zaty bar «sora ósimdigi» ekendigi naqtylandy.
Qazirgi tańda, atalǵan derek Qazaqstan Respýblıkasy Qylmystyq kodeksiniń 300-baby 2-bóligimen Sotqa deıingi tergep-tekserýdiń biryńǵaı tizilimine tirkelip, tıisti tergeý jumystary júrgizilýde. Qylmysqa qatysy bar degen kúdikpen 1960 jyly týylǵan azamat ustalyp, ýaqytsha ustaý abaqtysyna qamaqqa alyndy.
