Qyzylordada kadr máselelerin sheshýge arnalǵan semınar ótti

QYZYLORDA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti memqyzmet máseleleri boıynsha semınar ótkizdi, dep habarlaıdy QazAqparat tilshisi.

 Departamenttiń memlekettik qyzmet basqarmasynyń basshysy Erkebulan Sarymbetov  jumys barysynda kezdesetin problemalyq máselelerdi  talqylaýdy usyndy.

   Memlekettik qyzmet basqarmasynyń bas mamany Aıda Jańabergenova synaq merziminen ótýshi memlekettik qyzmetshiler úshin beıimdeý josparyn qalaı durys ázirleý kerek ekenin aıtyp ótti. Al bas maman Maqpal Abtıkerova kadr monıtorıngi boıynsha toqsandyq eseptilik týraly aıtyp, ony toltyrý barysynda qatelikterge jol bermeýge baǵyttalǵan sharalardy ortaǵa saldy.

 Budan soń qatysýshylar kadr qyzmetiniń negizgi problemalyq máselelerin talqylady.

   Eske sala keteıik, Elbasy Ult jospary - bes ınstıtýtsıonaldyq reformany júzege asyrý jónindegi 100 naqty qadam eńbeginiń birinshi taraýyn kásibı memlekettik apparat qurýǵa arnaǵan bolatyn. Ondaǵy 1-qadamda: Memlekettik qyzmetke qabyldaý rásimderin jańǵyrtý mindeti qoıylsa,memlekettik qyzmetke qabyldaý tómengi laýazymdardan bastalýy tıis,-dep naqty kórsetildi. Sondaı-aq, ári qaraı osy eńbektiń 2-15 -qadamdarynda da memlekettik qyzmet salasynda atqarylýǵa tıisti máseleler naqtylandy.