Qyzylordada iz-túzsiz ketken jasóspirim qyz 2 kúnnen keıin tabyldy
QYZYLORDA. QazAqparat - Qyzylorda qalasynda iz-túzsiz ketken jasóspirim qyz aman-esen tabyldy, dep habarlaıdy QazAqparat.
Oblystyq polıtsııa departamentiniń baspasóz qyzmeti atap ótkendeı, qyz 4 tamyz keshki saǵat 22.30 shamasynda úıinen belgisiz baǵytqa shyǵyp ketip, qaıta oralmaǵan.
Іzdeý jumysyna Qyzylorda oblysy polıtsııa departamentiniń, Qyzylorda qalalyq polıtsııa basqarmasynyń jeke quramy, eriktiler jáne jergilikti turǵyndar jumyldyryldy.
Onyń aıasynda áleýmettik jeliler jáne buqaralyq aqparat quraldary arqyly turǵyndar aqparattandyryldy.
Polıtsııa qyzmetkerleriniń kúshimen qalanyń kópqabatty úıler, aýlalar, káriz qudyqtary, saıajaılardaǵy ıesiz úıler, qurylysy bitpegen ǵımarattar, jertóleler men jaldamaly páterler tekserilip, oıyn-saýyq oryndarynda joǵalǵan jasóspirimniń fotosýreti kórsetilip, surastyryldy.
Júrgizilgen jumys nátıjesinde 6 tamyz kúni joǵalǵan kámeletke tolmaǵan qyz qala ortalyǵynan tabylyp, aman-esen ata-anasyna tapsyryldy.
Qazirgi tańda ıývenaldy polıtsııa qyzmetkerleri ata-anasymen profılaktıkalyq baǵyttaǵy jumys júrgizip jatyr.
