Qyzylordada iz-túzsiz ketken turǵynnyń denesi kanaldan tabyldy
QYZYLORDA. QazAqparat - Qyzylordada úıinen shyǵyp, qaıta oralmaǵan 44 jastaǵy azamattyń múrdesi kanaldan tabyldy, dep habarlaıdy QazAqparat tilshisi.
Bul azamat 22 shildede tańǵy saǵat 10.00 shamasynda úıinen shyǵyp ketken. Otbasy músheleri sodan keıin ol azamattan esh habar ala almaǵan.
«Osy maqsatta izdestirý jumystary júrgizildi. Nátıjesinde jedel-qutqarý jasaǵynyń mamandary onyń múrdesin qala ortalyǵyndaǵy kanaldan tapty», dep málim etti Qyzylorda oblystyq tótenshe jaǵdaılar departamenti baspasóz qyzmetiniń mamany Aıgúl Nurmanova.
Bıyl jyl basynan beri Qyzylorda oblysynda sýǵa ketkender sany 25 adamǵa jýyqtady. Olardyń ishinde 10-y balalar.
Tótenshe jaǵdaılar salasynyń mamandary sýǵa túskende saq bolýdy eskertedi. Turǵyndarǵa arnaıy belgilengen qaýipsiz aımaqtarda sýǵa túsýge mán berý tıistigin aıtady. Sondaı-aq, balalardy baqylaýsyz qaldyrmaý qajet ekenin eske salady.
Esterińizge sala ketelik, budan buryn Qyzylorda oblysynda bir bala sýǵa ketip, bireýi qutqarylǵanyn habarlaǵan edik.
