Qyzylordada iz-túzsiz ketken 32 jastaǵy jigit úsh kúnnen keıin tabyldy
QYZYLORDA. QazAqparat - Qyzylordada júıke aýrýymen esepte turatyn 32 jastaǵy turǵyn úsh kúnnen keıin qaladan 60 shaqyrym qashyqtyqta jol boıynan tabyldy, dep habarlaıdy QazAqparat tilshisi.
Joǵalyp ketken adam qala irgesindegi Tasbóget kentinde turady.
Kenttiń 53 jastaǵy turǵyny ulynyń úıden shyǵyp, keri oralmaǵanyn aıtyp Qyzylorda qalalyq polıtsııa basqarmasynyń Tósbóget polıtsııa bólimine shaǵymdanǵan.
Aıtýynsha, balasy júıke aýrýymen esepte turady.
«Joǵalǵan adamnyń jaǵdaıy eskerildi. Polıtsııa bóliminiń jeke quramy tolyqtaı izdeý jumysyna tartyldy. Mobıldik toptar qurylyp, jaqyn aýmaqtar tolyqtaı nazarǵa alyndy. Іzdestirý jumystary úsh kúnge sozyldy. Habar-osharsyz ketken azamat Syrdarııa aýdanyna qarasty Shaǵan aýylynyń tusyndaǵy tasjoldyń boıynan tabyldy» dep málim etti Qyzylorda oblystyq polıtsııa departamentiniń baspasóz qyzmeti.
