Qyzylordada IV halyqaralyq ınternet-forým ótti
Forýmǵa Reseı, onyń ishinde Tatarstan, Sıngapýr jáne Qazaqstan memleketterinen sarapshylar qatysty.
Baıandamashylar aımaqtaǵy bilim berý jáne jumyspen qamtý salasynyń keleshegi, jyldam ózgeretin zamanaýı eńbek naryǵy jaǵdaıyndaǵy jańa syn-qaterler men múmkindikter, sııaqty ózekti máseleler týraly aıtty.
Forým moderatory - Qazaqstan Respýblıkasy Prezıdenti janyndaǵy Memlekettik basqarý akademııasynyń Aqparattyq tehnologııalardy damytý jónindegi Vıtse-rektory Álııa Muhamedjanova.
Qyzylorda oblysynyń ákimi Q.Kósherbaev forým jumysyna sáttilik tilep, adam kapıtalyn damytý aımaqtyń basymdyqtarynyń biri ekenin atap ótti.
«Biz tórtinshi Internet-forýmdy adam kapıtalyn damytýǵa arnap otyrmyz. Óıtkeni álemdik tájirıbe kórsetkendeı, qazirgi kezeńde memlekettiń ekonomıkalyq ósýiniń sheshýshi faktory - adam kapıtalyn qalyptastyrý men damytýǵa baılanysty ınvestıtsııalar. Álemde bilim berýdi damytýǵa memlekettik shyǵystar burynnan áleýmettik shyǵyndar retinde eseptelmeıdi. Sebebi bul - tabys ákeletin ınvestıtsııa. «Barlyǵyn kadrlar sheshetinin» túsinemiz, sondyqtan oblystyq bıýdjettiń 40% astamyn bilim berý salasyna baǵyttaımyz», - dep atap ótti aımaq basshysy.
Máselen, Qyzylorda oblysynda "HackDay" jas IT-mamandardyń birinshi óńirlik festıvali uıymdastyryldy. Qazirgi tańda Qyzylorda jastary "IT-eshelon" jobasy aıasynda veb-baǵdarlamalaý negizderi men frontend-ázirlemeler boıynsha aqysyz negizde oqytylýda.
Forýmǵa onlaın jáne oflaın rejıminde QR Densaýlyq saqtaý vıtse-mınıstri Oljas Ábishev, «MISıS» UTZÝ damý jónindegi dırektory Nurlan Qııasov, BTSDigital bilim berý jobalarynyń jetekshisi Saıasat Nurbek, Elektrondyq úkimet ortalyǵynyń dırektory/Sıngapýr ulttyq ýnıversıtetiniń halyqaralyq baǵdarlamasynyń júıelik ǵylymdar ınstıtýtynyń basshysy Ashok Kýmar Sıtharaman, "Innopolıs" ýnıversıtetiniń rektory Aleksandr Tormasov, sondaı-aq sandyq tehnologııalar jáne adamı resýrstardy damytý salasyndaǵy basqa da sarapshylar qatysty.
Internet paıdalanýshylary úshin oblys ákimdiginiń áleýmettik jelilerdegi (YouTube jáne Facebook) resmı akkaýnttary arqyly onlaın translıatsııa uıymdastyryldy.
Esterińizge sala keteıik, 2016 jyly birinshi ınternet-forým elektrondyq kommertsııany damytýǵa, ekinshi (2017) - Baıqońyr qalasynda kásipkerlikti damytýǵa, úshinshi (2018) - óńirde tsıfrlandyrýdy damytýǵa arnaldy. Aıta ketý kerek, atalmysh forýmdardy ótkizý nátıjesinde oblysta "Bars-Grýpp" tatar kompanııasymen birlesip "Elektrondyq balabaqsha" jobasy júzege asyryldy. Búgingi kúni júıe 425 mektepke deıingi bilim berý mekemesine engizildi. Sondaı-aq, "Transtelekom" kompanııasymen birigip turǵynúı kommýnaldyq sharýashylyq shyǵyndaryn ońtaılandyrýdy kózdeıtin "e-Shańyraq" zııatkerlik aqparattyq júıesiniń pılottyq jobasy iske asyryldy. Qazirgi tańda júıe 6 kópqabatty úıge engizilgen, jyl sońyna deıin taǵy 170 úıdi engizý josparlanýda.
