Qyzylordada ІT baǵytta 26 joba júzege asady

QYZYLORDA. QazAqparat - Qyzylordada ІT baǵytta 26 joba júzege asady, dep habarlaıdy QazAqparat tilshisi.Tuńǵysh Prezıdent - Elbasy Nursultan Nazarbaevtyń 2018 jylǵy 5 qazandaǵy joldaýynda ınnovatsııalyq jáne servıstik sektorlardy damytýǵa erekshe kóńil bólý qajettigi atap kórsetilgen.

Syr óńirinde júzege asatyn jobalardyń 6-y bilim, 2-i densaýlyq saqtaý, 4-i qaýipsizdik, 5-i sharýashylyq jáne kólik, 2-i aýyl sharýashylyǵy, 2-i bıznes jáne áleýmettik salaǵa, 5-i qalalyq basqarýǵa baǵyttalady.

Densaýlyq saqtaý salasyna enetin ІT jobalardyń arqyly júkti áıelderge kórsetiletin qyzmet sapasy artady dep josparlanyp otyr. Sol arqyly bala ólimin azaıtý, týa bitken aýrýlardy bastapqy kezeńinde anyqtaý, sozylmaly aýrýlarǵa jumsalatyn densaýlyq salasynyń shyǵyndaryn azaıtý kózdelgen.

Kólik salasynda da 3 joba enedi. Oblystyq bıýdjetten bul baǵyttaǵy 2 jobaǵa 38,7 mln.teńge, memlekettik-jekeshelik áriptestik aıasynda 1 jobaǵa 800 mln. teńge qaralǵan. Osy arqyly kólik uıymdarynyń salyq túsimderi men tabysy kóbeıedi. Sondaı-aq, jolaýshylardyń qoǵamdyq kólikti kútý ýaqytyn jáne aqparattandyrylýy jaqsarady.

Aýyl sharýashylyǵy baǵytynda 2 joba josparlanǵan. ІT joba qurǵaqshylyq, zııankesterdiń jappaı kóbeıýi syndy krızıstik sátterdi aldyn alý úshin qolǵa alynǵan. Jalpy, 26 ІT jobalarǵa 13,1 mlrd.teńge qarjy qaraldy. Atalǵan jobalar halyqtyń ómir sapasyn arttyrýdy kózdeıdi.

Esterińizge sala ketelik, Qyzylordada agroónerkásip keshen salasynda 148 joba iske aspaq .