Qyzylordada iri mólsherde esirtki tasymaldaǵandar ustaldy
QYZYLORDA. QazAqparat - Qyzylorda oblysynda asa iri mólsherde esirtki zatyn tasymaldaǵan eki kúdikti qolǵa tústi, dep habarlaıdy QazAqparat tilshisi.
Qyzylorda oblysynyń Polıtsııa departamenti Jergilikti polıtsııa qyzmeti basqarmasy jáne esirtki kylmysyna qarsy is-qımyl basqarmasynyń qyzmetkerleri jedel izdestirý is-sharalaryn júrgizdi. Shara barysynda «Aral - Shep» beketinde «Nıssan» markaly avtokóligi toqtatyldy. Avtokólik Krona qyzmettik ıtimen tekserilgen kezde júrgizýshisiniń qaltasynan qaǵazǵa oralǵan erekshe ıisi bar shóp untaǵy tabyldy. Onymen birge kele jatqan jolaýshynyń sómkesinen de skotchpen eki bólek oralǵan erekshe ıisi bar shóp untaqtary alyndy. Saraptama qorytyndysy onyń 3,5 keli marıhýana ekendigin anyqtady.
«Qazirgi tańda eki kúdikti Aral aýdany polıtsııa bóliminiń ýaqytsha ustaý abaqtysyna qamaldy. Olardyń ústinen Qazaqstan Respýblıkasy Qylmystyq kodeksiniń 297-babynyń 3-bóligimen otqa deıingi tergep-tekserý amaldary júrgizilýde», - dedi Qyzylorda oblystyq polıtsııa departamentiniń baspasóz qyzmeti.
