Qyzylordada iri mólsherde esirtki tárkilendi

QYZYLORDA. QazAqparat - Qyzylordada Jambyl oblysynyń 36 jastaǵy turǵynynan 20 keliden astam marıhýana men 1 keli gashısh tárkilendi, dep habarlaıdy QazAqparat tilshisi.

QR ІІM jáne Qyzylorda oblystyq polıtsııa departamentiniń esirtki qylmysyna qarsy is-qımyl basqarmasynyń qyzmetkerleri birlesken jedel-profılaktıkalyq is-sharalaryn júrgizdi. Atalǵan shara barysynda «Batys Eýropa – Batys Qytaı» tasjolynyń Aral aýdanynyń Shıjaǵa eldi mekeni tusynda avtokólik toqtatyldy.

«Kólikti tekserý kezinde artqy júk salǵyshtaǵy benzın bagynan birneshe plastık bótelke shyqty. Onda 2 lıtrlik - 8, 1 lıtrlik - 26, 1,5 lıtrlik 1 dana ydysqa esirtki tıptes jasyl tústi, ıisti zattar kózge tústi. Saraptama qorytyndysy olardyń keptirilgen marıhýana men gashısh ekenin anyqtady. Kólik ıesi Aral aýdanyndaǵy polıtsııa bóliminiń ýaqytsha ustaý ızolıatoryna qamaýǵa alyndy. Qazir onyń ústinen QR Qylmystyq kodeksiniń 297-baby, 3-bóliginiń 3-tarmaǵymen sotqa deıingi tergeý amaldary júrip jatyr. Onda esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý jaǵdaıy kórsetilgen», - dep málim etti Qyzylorda oblystyq polıtsııa departamentiniń baspasóz qyzmeti.

Budan buryn Qyzylordada aıran ishinen esirtki tabylǵanyn habarlaǵan edik.