Qyzylordada iri kólemdegi esirtkimen BQO turǵyny ustaldy
QARMAQShY. QazAqparat - Qyzylorda oblysynyń Qarmaqshy aýdanynda polıtsııa qyzmetkerleri iri mólsherde esirtki tasymaldaǵan turǵynnyń jolyn kesti, dep habarlaıdy QazAqparat tilshisi.
Qarmaqshy aýdanynda polıtseıler Atyraý oblysynyń turǵyny aıdap kele jatqan «VAZ-21140» avtokóligin toqtatyp, jedel-tergeý tobymen birge qarap-tekserý jumystaryn ótkizgen. Onyń barysynda kóliktiń artqy oryndyǵynyń ústinen skochpen oralǵan erekshe ıisi bar shóp untaqtarynyń 7 býmasy tabyldy. Osyndaı shóp untaqtary jolaýshynyń sómkesinen de alyndy.
Kúdikti retinde kóliktiń jolaýshysy – BQO turǵyny ustaldy.
«Saraptama qorytyndysy boıynsha alynǵan erekshe ıisi bar zattar salmaǵy 12 keli 524 gramm keptirilgen marıhýana ekendigi belgili boldy. Kúdikti jolaýshy - Oral qalasynyń turǵyny Qarmaqshy aýdandyq polıtsııa bóliminiń ýaqytsha ustaý abaqtysyna jetkizildi. Onyń ústinen QR Qylmystyq kodeksiniń 296-babynyń 3-bóligimen sotqa deıingi tergep-tekserý amaldary júrgizilýde. Onda iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý jaǵdaıy kórsetilgen», - dep málim etti Qyzylorda oblystyq Polıtsııa departamentiniń baspasóz qyzmetinen.
