Qyzylordada ırandyq kúrish egiledi
QYZYLORDA. QazAqparat. Qyzylorda oblysynyń Qarmaqshy aýdany Aqtóbe aýylyndaǵy «Aqtóbe jáne K» JShS bıyl 500 gektarǵa ırandyq «Torem Hoshemı» surpyn egýdi josparlap otyr, dep habarlaıdy QazAqparat tilshisi.
Seriktestik dıqandar kúrishtiń bul sortyn byltyrdan bastap synaqtan ótkizdi. Alǵashqyda bar-joǵy 2 gektarǵa egilgen suryp byltyr 70 gektarǵa artqan. Ónimdi Iran eline jóneltýge jol ashyldy. Endigi kezekte jergilikti dıqandar sol memleketten túsken tapsyrysty oryndaýǵa nıet tanytyp otyr.
«2016 jyly Iranǵa jol tústi. Onda kúrishtiń atalǵan surpy erekshe suranysqa ıe ekenin ańǵardym. Baǵasy da bizden 5-6 esedeı qymbat. Jańa sortty alyp kelý bizge ońaıǵa túsken joq. Alǵashqyda 2 gektarǵa egilgen kúrish alqabynan kóńildegideı ónim jınadyq», - deıdi seriktestiktiń bas dırektory Nurlan Іzdibaev.
Aıta keterligi, seriktestik mamandary alǵashqy alyp kelgen tuqym men bir jyldan keıin ekken tuqymdy salystyryp kórgen. Almatydaǵy arnaıy zerthanada ótken saraptama barysynda tuqymnyń barysy da, quramyndaǵy elementteri de baıı túskenin ańǵarǵan. Osylaısha jergilikti dıqandar ırandyq áriptesterimen iskerlik baılanys ornata otyryp, keleshekte ırandyq kúrish sorty alqabyn arttyrýǵa mán bermekshi.
Ádiljan ÚMBET
