Qyzylordada ınnovatsııalyq ıdeıalar baıqaýy ótti
Atalmysh baıqaý Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynyń «Sananyń ashyqtyǵy» bazalyq baǵyty aıasynda qolǵa alynyp otyr.
Ony Qyzylorda oblysynyń bilim basqarmasynyń «Daryn» oblystyq qosymsha bilim berý ortalyǵy uıymdastyrdy. Innovatsııalyq ıdeıalar baıqaýy Qyzylorda qalasyndaǵy Syrdarııa ózeniniń sol jaǵalaýynda ornalasqan Jastar ortalyǵynyń májilis zalynd ótkizildi. Sharanyń negizgi maqsaty - oqýshylarǵa ǵylym men tehnıkanyń ónertapqyshtyq, zertteý jumystaryna tartý, talantty balalarǵa qoldaý kórsetip, olardyń shyǵarmashylyq quzyrettiliginde básekelestik artyqshylyqtaryn qalyptastyrý.
«Baıqaýǵa qatysýshylar avtokólik, óndiris, aýyl sharýashylyǵy, áskerı tehnıka, sý kóligi, qurylys, jylý-elektr energetıkasy, avıatsııa jáne kosmonavtıka baǵyttaryndaǵy jobalaryn tanystyrdy. Bilim alýshylardy ónertapqyshtyq, zertteý jumystaryna tartyp, talantty balalarǵa qoldaý kórsetý maqsatynda ótken baıqaýǵa aýdandyq, qalalyq bilim bólimderinen jáne oblystyq mekemelerden 70 oqýshy qatysty», - dáp málim etti «Rýhanı jańǵyrý» ortalyǵynyń mamandary.
Jeńimpazdar oblystyq bilim basqarmasynyń dıplomdary jáne baǵaly syılyqtaryen marapattaldy. Oblystyq kezeń jeńimpazdary 30-31 qazanda Almaty oblysynyń ortalyǵy - Taldyqorǵan qalasynda ótetin qorytyndy kezeńge joldama aldy.