Qyzylordada ınklıýzıvti bilim berý isine basa nazar aýdarylyp otyr
Qyzylorda Nur Otan partııasy oblystyq fılıalynyń ókilderi «Kedergisiz keleshek» partııalyq jobasy aıasynda ınklıýzıvti bilim berýge beıimdelgen bilim berý uıymdaryna monıtorıng júrgizdi. Sońǵy jyldarda álemde ınklıýzıvti bilim berý isine basa nazar aýdarylyp keledi. Bul balalardyń jeke suranystary men erekshelikterine ortanyń, otbasynyń qatysýymen bilim berý úrdisine tolyq qosýdy talap etedi. Atalmysh baǵytta elimizde 2020 jylǵa deıin ınklıýzıvtik bilim berýdi 70 paıyzǵa deıin jetkizý josparlaǵan.
Monıtorıng júrgizgen top quramynda memlekettik organdar, oblystyq múgedekter qoǵamy jáne salalyq úkimettik emes uıymdar ókilderi boldy.
«Syr óńirinde ınklıýzıvti bilim berýge beıimdelgen 112 balabaqsha, 148 mektep, 18 kásiptik tehnıkalyq kolledji bar. Bul oqý oryndarynda múmkindigi shekteýli 79 bala men jasóspirim bilim alýda. Alaıda, erekshe bilim alý qajettiligi bar jetkinshekterdi oqytýda arnaıy mamandar qajet ekeni belgili. Eger mundaı talaptar saqtalmasa, baǵdarlamany ıgerý sapasy tómen bolady. Osyndaı baǵdarlamany ıgere almaý saldarynan sońǵy kezderi úıden bilim alatyn oqýshylar sany kóbeıgen. Saraptamalyq top jumysynyń negizgi maqsaty - atalmysh oryndaryndaǵy kemshilikterdi anyqtap, múmkindigi shektelýi órenderge kedergisiz orta qalyptastyrý, olardyń sapaly bilim alýyna jaǵdaı jasaý, qoǵam nazaryn aýdartý», - dedi Nur Otan partııasy oblystyq fılıalynyń tóraǵasynyń orynbasary Erjan Baıtiles.
Saraptamalyq top músheleri Qyzylorda qalasyndaǵy №5 «Shattyq» balabaqshasy, M.Sýjıkov atyndaǵy № 6 orta mektep pen «Bolashaq» medıtsına kolledjindegi jumystarmen tanysty.
«Kedergisiz keleshek» partııalyq jobasy balabaqsha, mektep jáne kolledj sekildi oqý oshaqtaryn qamtıdy. Sondyqtan múmkindigi shekteýli órenderge ınklıýzıvti bilim berýde aldymen balabaqshanyń orny erekshe. bolǵandyqtan ıklıýzıvti bilim berýde aldymen balabaqshanyń alar orny erekshe. Osy oraıda №5 «Shattyq» balabaqshasynda birqatar is-sharalar atqarylǵan. 
«Bizdiń balabaqshada 46 múmkindigi shekteýli búldirshin tárbıelenedi. Bizdiń basty maqsatymyz - olardy ortaǵa beıimdeý, sapaly bilim berý. Mundaı balalarmen arnaıy oqý kýrstarynan ótken tárbıeshiler jumys jasaıdy. Nátıje jaman emes, olarmen balabaqsha qyzmetine belsene aralasyp, ózge balalarmen bir ujymda qarym-qatynasqa túsýge úırenedi. Bul kezeńnen ótken balalardyń mektepte bilim alýyna ońaıyraq bolady», - dedi «Shattyq» balabaqshasynyń meńgerýshisi Gúlden Sapabekova.
Atalmysh top reıd barysynda ınklıýzıvti bilim berý mekemeleriniń materıaldyq bazasy, bilim berý sapasy, kadrlarmen qamtamasyz etilýi sekildi talaptardyń saqtalýyn qadaǵalady. Mekeme basshylary men mamandaryna tıisti usynys pen eskertý jasady. Bul jumystar 30 sáýirge deıin jalǵasady.
