Qyzylordada ındýstrııalandyrý baǵdarlamasy aıasynda 6 joba júzege asyrylýda
Onyń aıtýynsha halyqtyń ıgiligi úshin iske asyrylyp jatqan jobalar qala qazynasyn arttyryp, jańa jumys oryndaryn ashýǵa septigin tıgizedi.
«Qyzylorda qalasynda ótken jyly «Nátıjeli jumyspen qamtý jáne jappaı kásipkerlikti damytý» baǵdarlamasy boıynsha 261 mln. 700 myń teńgeni quraıtyn 55 joba qarjylandyryldy. Sonymen qatar, «Bıznestiń jol kartasy 2020» baǵdarlamasy aıasynda Óńirlik úılestirý keńesi 6 mlrd. 754 mln. teńgeni quraıtyn 83 joba maquldady, 29 jobaǵa 43 mln. 310 myń teńge qaıtarymsyz qarajat berilip otyr. Barlyq jobanyń basty maqsaty, halyqtyń ıgiligi úshin qala qazynasyn arttyrý jáne jańa jumys oryndaryn ashý. Osyndaı jańa bastamalardyń arqasynda jyl kóleminde 5 myń jańa jumys orny ashyldy", deıdi qala ákimi halyqqa esep berý kezdesýinde.
Aıta keteıik, oblys boıynsha naqty jumys istep turǵan kásipkerlik sýbektileriniń 50 paıyzy Qyzylorda qalasynyń úlesinde. Ótken jyly qalada 25 myń 665 shaǵyn kásipkerlik sýbektileri tirkelgen. 2017 jyly qala kásipkerleriniń qarajaty esebinen jalpy quny 6 mlrd. 465 mln. teńgeni quraıtyn 176 kásipkerlik nysan iske qosylyp, onda jańadan 1 myń 760 jumys orny ashyldy.
Farıza Omarova
