Qyzylordada ındorhokkeıden el birinshiliginiń jeńimpazdary anyqtaldy
QYZYLORDA. QazAqparat - Qyzylorda qalasynda ındorhokkeıden jigitter men qyzdar arasynda QR chempıonaty máresine jetti, dep habarlaıdy QazAqparat tilshisi.
Sońǵy aınalym oıyndaryna Almaty qalasy jáne Almaty, Aqtóbe, Batys Qazaqstan, Jambyl jəne Qyzylorda oblystarynyń komandalary qatysty. Jarys nətıjesinde Qyzylordanyń «Qaısar» jigitter jəne qyzdar komandalary jeńimpaz atandy. Qos komanda ındorhokkeıden bıyl besinshi mərte jeńimpaz tuǵyrynan kóterildi.
Jigitter arasynda Baqytbek Sərsenbaıuly (qaqpashy), Ǵalymjan Əlıev, Nurhan Sansyzbaev jəne Dəýletbek Əlıev jaqsy oıyn órnegimen jankúıer kózine tústi. Al qyzdar arasynda Alısa Chepkasova, Gýzal Bahabaddın, Əıgerim Mahanova jəne Gúlnara Imanǵalıeva ózderiniń sheberlik deńgeıi joǵary ekenin taǵy bir márte dáleldeı tústi.
Aıta keteıik, 2020 jyldyń aqpan aıynda ındorhokkeıden álem chempıonaty ótedi. Sońǵy aınalym barysynda dúbirli dodada el quramasy sapynda baq synaıtyn oıynshylar quramy jasaqtaldy.
Qazaqstan chempıonatynda jigitter arasynda Almaty jáne Batys Qazaqstan oblystarynyń komandalary ekinshi jáne úshinshi oryndarǵa ıe boldy. Al qyzdar arasynda Almaty jáne Jambyl oblystary úzdik úshtikten kórindi.
Budan buryn Qyzylordada ındorhokkeıden el birinshiligi bastalǵanyn habarlaǵan edik.