Qyzylordada ıis tıip ýlanǵan 3 bala qaza tapty
ASTANA. QazAqparat - Qyzylordada ıis tıip ýlanǵan 3 bala qaza tapty. Bul týraly QR ІІM Tótenshe jaǵdaılar komıtetiniń resmı ókili Nursultan Nurahmetov aıtty, dep habarlaıdy QazAqparat.
Onyń aıtýynsha, keshe keshki saǵat 19:29-da órtke qarsy qyzmet pýltine Qyzylorda qalasynyń Mahmutov kóshesi boıyndaǵy «Naýryz» saıajaı ýchaskesindegi jeke turǵyn úıden órt shyqqandyǵy týraly habarlama túsken. Úı ishindegi jıhazdan bastalǵan qyzyl jalyn jalpy aýmaǵy 15 sharshy metrdi quraıtyn tóbe jabyndysyn sharpyǵan. Órt saǵat 19:55-te sóndirildi.
«Órt sóndirýshiler syıymdylyǵy 50 lıtrlik bir gaz ballonyn shyǵardy. Qutqarýshylar jetkenge deıin týǵan-týystary úıdiń ishinen 2011, 2012 jáne 2014 jyly dúnıege kelgen úsh balany alyp shyqqan. Iis tıip ýlanǵan olardy aýrýhanaǵa jetkizgenimen, balalar esterin jımastan kóz jumdy», - dedi resmı ókil.
Sonymen qatar, onyń sózine qaraǵanda, balalardy órtten alyp shyqqan adamdar da medıtsınalyq kómekke júginip aýrýhanǵa jatqyzylǵan.
Órt ornynda Qyzylorda oblystyq tótenshe jaǵdaılar deparatmenti jeke quramynyń 19 mamany men 7 tehnıkasy jumys istedi.
