Qyzylordada ıesiz turǵan «Mercedes» avtokóligi túgi qalmaı janyp ketti
QYZYLORDA. QazAqparat - Qyzylordada egesiz turǵan «Mercedes» avtokóligi tolyǵymen janyp ketti, dep habarlaıdy QazAqparat tilshisi.
Oqıǵa oblys ortalyǵyndaǵy Syrdarııa ózeniniń sol jaǵalaýynda boldy.
Tótenshe jaǵdaılar departamentine bul jónindegi habar 2 aqpanda jergilikti ýaqytpen 20.10-da kelip túsken.
Oǵan №2 mamandandyrylǵan órt sóndirý bóliminen 1 tehnıka men 5 qyzmetker shyqqan.
«Órt sóndirýshiler oqıǵa ornyna 20.20-da jetti. Anyqtalǵany, olar barǵan sátte «Mercedes» avtokóligi tolyǵymen janyp jatqan. Saǵat 20.26-da órt tolyǵymen sóndirildi. Oqıǵa mańynda avtokólik ıesiniń joq ekeni anyqtaldy», - dep málim etti oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetinen.
Oqıǵa ornyna polıtsııa qyzmetkerleri de kelip jetti. Oqıǵanyń mán-jaıy anyqtalýda.
Keıinnen kólik ıesiniń kim ekeni anyqtaldy. Ol qaladaǵy Bókeıhan kóshesinde turatyn 1998 jyly dúnıege kelgen azamat bolyp shyqty.
«Atalǵan derek «Aqparattardy esepke alý kitabyna» tirkelgen. Órttiń shyǵý sebebin anyqtaý úshin qujattar qalalyq tótenshe jaǵdaılar basqarmasyna joldanǵan» dep málimdedi Qyzylorda qalalyq polıtsııa basqarmasy.
Esterińizge sala ketelik, Qyzylorda oblysynda turǵyn úı órtenip ketti.
