Qyzylordada Halyqqa qyzmet kórsetý ortalyqtary qalypty jumys rejımine kóshti
Bul jóninde «Azamattarǵa arnalǵan úkimet» memlekettik korporatsııasy» KE AQ Qyzylorda oblysy boıynsha fılıaly habarlady.
Halyqqa qyzmet kórsetý ortalyqtary 10 qańtardan bastap qalypty jumys rejımine kóshti. Azamattarǵa barlyq qyzmet túri qoljetimdi.
Tek mamandandyrylǵan halyqqa qyzmet kórsetý ortalyǵynyń qyzmeti ázirge qoljetimsiz. Ondaǵy avtokólikti tirkeý nemese esepten shyǵarý jáne júrgizýshil kýáligin rásimdeý qyzmetteri QR ІІM Ákimshilik polıtsııa komıtetiniń quzyretinde.
«Baılanys sapasyna qaraı keıbir qyzmetter ara-tura qoljetimsiz bolýy yqtımal ekendigin de jasyrmaımyz. Biraq ázirge ondaı olqylyqtar baıqalmady. Eldegi tótenshe jaǵdaıǵa baılanysty óńirde ınternet jelisi ýaqytsha shektelgen. Biraq Halyqqa qyzmet kórsetý ortalyqtary yqpaldastyrylǵan aqparattyq júıe arqyly (YAJ) jumys jasaıdy. Sondyqtanazamattardyń ortalyqtarǵa kelip, qyzmetter alýyna esh kedergi joq», - dedi «Azamattarǵa arnalǵan úkimet» memlekettik korporatsııasynyń Qyzylorda oblysy boıynsha fılıalynyń dırektory Aınur Tobaeva.
Aımaqtaǵy HQO-da tótenshe jaǵdaı rejımi aıaqtalǵanǵa deıin jumys kestesi saǵat 9.00-den 18.00-ge deıin belgilengen. Fılıal dırektory oblysta terrorlyq qaterdiń qyzyl deńgeıi engizilgendikten, klıentterdi saq bolýǵa shaqyrady.
Eske salsaq, Qyzylorda oblysynda qoǵamdyq qaýipsizdikti saqtaý maqsatynda 28 blok beket qoıyldy.
