Qyzylordada halyqaralyq sýretshiler sımpozıýmy bastaldy
Atalmysh shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda Qyzylorda oblysynyń mádenıet, arhıvter jáne qujattama basqarmasynyń uıymdastyrýymen qolǵa alynyp otyr. Sımpozıým «Aǵa urpaq óneri - jastarǵa amanat» ataýymen ótkiziledi.
Atalmysh sharanyń maqsaty - talantty jastarǵa qoldaý kórsetý, beıneleý óneri salasyndaǵy eńbek sińirgen qaıratkerler men talantty jas qylqalam sheberleriniń basyn qosyp, kórkemsýret salasy boıynsha pikirlesý, ózara tájirıbe almasýdy júzege asyrý. Sımpozıým aıasynda oblys ortalyǵyndaǵy Kórkemsýret galereıasyna Qazaqstannyń eńbek sińirgen óner qaıratkeri Salıhıtdın Aıtbaevtyń esimi berilip otyr.
Halyqaralyq sımpozıýmǵa Ózbekstan, Qyrǵyzstan, Reseı elderimen qatar, elimizge tanymal qylqalam sheberleri men jergilikti belgili sýretshiler men jastar keldi. Olar beıneleý óneriniń túrli janry boıynsha salynǵan jańa týyndylarymen bólisip, óz sheberlikteri men qabiletterin shyńdaıdy. Sımpozıýmǵa barlyǵy 20 sýretshi qatysýda.
Sımpozıým jumysy búgin, 13 maýsym kúni Qorqyt atanyń jaı tapqan jeri - Qarmaqshy topyraǵynan bastaldy. Odan ári Qambash kólinde jalǵasyn taýyp, Qyzylorda qalasynda qorytyndylanady dep josparlanýda. Sımpozıým qorytyndysy boıynsha 25 maýsymda Kórkemsýret galereıasynda kórme uıymdastyrylady.
Budan buryn Qyzylordada «Jas arhıvıster men tarıhshylar» klýby qurylǵanyn habarlaǵan.
