Qyzylordada geologııalyq barlaý jumystary júrgizilýde
Óńirde otyz jyldan astam ýaqyt buryn Qumkól kenishi ashyldy. Bul Qyzylordanyń ónerkásiptik aımaqqa aınalýyna negiz boldy. Sáıkesinshe, óńirimizde munaı-gaz klassteri qalyptasty. Syr munaıy táýelsizdiktiń alǵashqy jyldary aımaq ekonomıkasynyń damýyna serpin berdi.
«Úkimet qaýlysymen Qyzylorda oblysynyń 2019-2022 jyldarǵa arnalǵan keshendi jospary bekitildi. Jergilikti jerdegi Shý-Sarysý, Aral jáne Syrdarııa shógindi basseınderinde geologııalyq barlaý jumystary júrgizilýde», - dep málim etti oblystyq ındýstrııaldy-ınovatsııalyq damý basqarmasynyń basshysy Rınat Sultangereev.
Aıta keteıik, búginde óńirde munaı óndirýmen 10-ǵa jýyq kompanııa jumys isteýde. Olardyń barlyǵy derlik áleýmettik jobalardy qoldaý men jergilikti jerge udaıy kóńil bólýde. Jyl saıyn az qamtylǵan otbasylarǵa, otbasylyq tıptegi balalar aýylyna qol ushyn sozýda. Sondaı-aq dástúrli «Mektepke jol» aktsııasyna munaıshylar árdaıym qoldaý kórsetip keledi.
Eske salsaq, Qyzylorda oblysynda kásipkerlik salasynda 8 myńǵa jýyq jańa jumys orny ashyldy.
