Qyzylordada gazben júretin kólikter 6,5 myńǵa artty
QYZYLORDA. QazAqparat - Qyzylorda oblysynda gazben júretin kólikter sany jyldan-jylǵa artyp keledi. Qyzylorda oblysy boıynsha ekologııa departamentiniń basshysy Marat Qurmanbaev osylaı málim etti, dep habarlaıdy QazAqparat tilshisi.
Onyń aıtýynsha, osydan toǵyz jyldaı buryn Qyzylorda oblysynda tirkelgen 89 901 kólikten shyqqan lastaǵysh zattar kólemi 82,090 myń tonnany quraǵan eken. Al 2017 jyly tirkelgen kólikter birshama artyp, olardyń sany 143 750-di quraǵanymen lastaǵysh zattar kólemi tómendegen. Dálirek aıtqanda, ol 61,16 myń tonnaǵa azaıǵan.
«Bul qorshaǵan ortaǵa qaýipsiz otyn túri bolyp tabylatyn gaz otynyna aýysqan avtokólikterdiń sanynyń artýyna baılanysty bolyp otyr. Osy rette gazben júretin avtokólikter sany 2015 jyly - 2 725 bolsa, 2017 jyly - 9 309 danany qurady. ıAǵnı ol 6 584 danaǵa kóbeıdi», - dedi M.Qurmanbaev.
Ekologııalyq jaǵdaıdy jaqsartý jáne ekonomıkalyq tıimdilikti arttyrý maqsatynda oblys boıynsha 1 645 qoǵamdyq kóliktiń 663 danasy gaz otynyna kóshirilgen. Sonymen qatar, oblys boıynsha búgingi kúnde gaz quıý beketiniń sany 63-ke jetti.
