Qyzylordada gaz jarylyp, turǵyn úı qırady

QYZYLORDA. QazAqparat - Qyzylorda qalasyndaǵy jeke turǵyn úılerdiń birinde gaz jarylysy oryn aldy. Oqys oqıǵa saldarynan turǵyn úı qırap qaldy, dep habarlaıdy QazAqparat tilshisi.

Keleńsiz jaǵdaı qalanyń shet aımaǵyndaǵy Á.Moldaǵulova kóshesindegi turǵyn úıde bolǵan. Gaz jarylysy saldarynan órt shyqqan. Bul sátte úıde 1965 jyly dúnıege kelgen azamat bolǵan. Ol aýyr dene jaraqatyn aldy.

«Órt sóndirý jáne avarııalyq qutqarý jumystary qyzmeti» memlekettik mekemesiniń bastyǵy Nursultan Ibragımovtyń aıtýynsha, kórshileri 101 baılanys qyzmetine turǵyn úıdiń órtenip jatqany týraly qońyraý shalǵan. Oqıǵa ornyna oblystyq tótenshe jaǵdaılar departamentine qarasty mekeme, jedel járdem, polıtsııa jáne ózge quzyrly oryndar mamandary kelip jetti. Qazir oqıǵanyń barysy tekserilip jatyr.

Budan buryn Qyzylordada júk kóligi qaqqan eki bala kóz jumǵanyn habarlaǵan edik.