Qyzylordada gaz qubyry jelisinde apatty jaǵdaı oryn aldy
QYZYLORDA. QazAqparat - Búgin Qyzylorda qalasynyń irgesindegi Abaı eldimekeninde ornalasqan AGRS-2 avtomattandyrylǵan gaz rettegishinde apatty jaǵdaı oryn aldy, - dep habarlady QazAqparat tilshisi.
Oryn alǵan oqıǵaǵa oraı qala turǵyndaryna gaz qondyrǵylaryn ajyratý týraly eskertý berilgen bolatyn.
QazTransGaz aımaqtyq fılıaly keltirgen málimetterge súıensek, apat oryn alǵan qubyr arqyly «Beıneý-Bozoı» úlken gaz qubyrynan Qyzylorda qalasy turǵyndaryna gaz berilip kelgen. Qazirgi kezde qala turǵyndary Aqshabulaqtan keletin gazǵa qosyldy.
Qyzylordadaǵy jylý elektr stansasy da gaz arqyly jumys istep kelgendikten, naqty sátte stansa ýaqytsha tapshylyq sezinbes úshin mazýtqa kóshirildi. Mamandar jóndeý jumystary táýlik ishinde aıaqtalyp, gaz berilý qalypty jaǵdaıǵa túsedi dep otyr.
