Qyzylordada gaz qoparylysynan saldarynan qıraǵan úıler qalpyna keltirildi
QYZYLORDA. QazAqparat - Qyzylordada gaz qoparylysynan qıraǵan úıler qalpyna keltirildi, dep habarlady QazAqparat tilshisi.
Keshe Qyzylordadaǵy ekinshi gaz taratý stansasynyń qalaǵa shyǵatyn magıstraldy gaz qubyrynda apat bolyp, gaz qalaǵa ýaqytsha AGTS-1 arqyly berilgen bolatyn. Saldarynan Taımanov kóshesindegi kóppáterli 2 úıde oqys oqıǵa boldy. AGTS-2-den gaz toqtatylyp, AGTS-1 qosylǵan kezde úıde turǵyndar bolmaǵan. Óship qalǵan pesh gaz AGTS-1 arqyly berilgende qaıta janǵan. Bólmege gaz jınalyp, úılerdiń birinde qoparylys boldy. Pesh turǵan bólmeniń qabyrǵasy opyryla qulady.
Búgin mamandar qulaǵan qabyrǵany qaıta turǵyzdy. Apat bolǵan úılerdiń ekinshisinde turǵynnyń betin jeńil kúıik shalǵan, onyń jaǵdaıy táýir. Qazirgi kezde qala tolyǵymen kógildir otynǵa qosyldy.
