Qyzylordada gaz ballony jarylysynan úsh adam jaraqat aldy
QYZYLORDA. QazAqparat - Qyzylorda oblysy Qazaly aýdanynda jeke turǵyn úıde gaz ballony jaryldy. Oqıǵa saldarynan 3 adamdy kúıik shaldy, dep habarlaıdy QazAqparat tilshisi.
Oqıǵa Qazaly aýdanynyń ortalyǵy - Áıteke bı kentindegi jeke turǵyn úıde boldy. Onda 5 lıtrlik gaz ballony jarylǵan. Nátıjesinde kúıik jaraqatyn alǵan 3 adam aýrýhanaǵa jatqyzyldy.
«Jaraqat alǵan adamdar arasynda 1994 jyly dúnıege kelgen naýqastyń jaǵdaıy aýyr. Onyń denesiniń 90 paıyzyn kúıik shalǵan. Al 1997 jáne 2001 jyldary dúnıege kelgen eki adamnyń mıy shaıqalǵan, jaǵdaıy ortasha. Boljam boıynsha jarylystyń shyǵýna gaz jabdyǵyn paıdalaný kezinde órt qaýipsizdigi qaǵıdasyn buzý sebep bolǵan. Jylytý peshiniń janynda gaz ballony qyzdyrylǵan, ol dánekerleý shamy úshin paıdalanylǵan», - dep málim etti Qyzylorda oblystyq tótenshe jaǵdaılar departamenti.
Sondaı-aq, Qyzylordada 12 tonna propan tasymaldap bara jatqan kólik órtendi.
