Qyzylordada gaz ballony jarylyp, erli-zaıyptylardy kúıik shaldy
NUR-SULTAN. QazAqparat - Qyzylorda qalasynda gaz ballony jarylyp, eki adamdy kúıik shaldy. Bul jaıynda QR ІІM Tótenshe jaǵdaılar komıtetinen málim etti, dep habarlaıdy QazAqparat tilshisi.
Vedomstvo aqparatyna qaraǵanda, 20 qarasha kúni saǵat 18-37-de órtke qarsy qyzmet pýltine Qyzylorda qalasynyń Báıterek shaǵyn aýdanyndaǵy jeke turǵyn úıde gaz ballony jarylǵany týraly habarlama túsken. Oqıǵa ornyna jetken órt sóndirý bólimshesiniń mamandary gaz ballonynyń redýktoryndaǵy aqaý saldarynan jarylys oryn alyp, úıdiń qabyrǵasy qulap, órt tutanǵan.
«Órt sóndirýshiler qyzyl jalyn oshaǵynan 2 gaz ballonyn alyp shyqty. Qabyldanǵan sharalardyń arqasynda saǵat 20-34-te órttiń aldy alynyp, saǵat 20-43-te sóndirildi. Órt aýmaǵy 120 sharshy metrdi quraıdy. 1993 jyly dúnıege kelgen úı qojaıyny men onyń 1995 jyly dúnıege kelgen jubaıy kúıik shalǵandyqtan aýrýhanaǵa jetkizildi», - dep atap ótedi komıtetten.
Taratylǵan málimetke sáıkes, qyzyl jalynmen kúreske Qyzylorda oblystyq TJD jeke quramynyń 14 mamany men 4 órt sóndirý tehnıkasy jumyldyrylǵan.
