Qyzylordada «Garant 24 Lombardyna» qatysty qylmystyq is qozǵaldy
Qazirgi tańda Qyzylorda oblysy Polıtsııa departamentiniń Tergeý basqarmasymen Qazaqstan Respýblıkasynyń Qylmystyq kodeksiniń 217-babynyń 2-bóligimen (qarjylyq (ınvestıtsııalyq) pıramıdany qurý jáne oǵan basshylyq etý) qarjylyq pıramıdany qurý deregi boıynsha qylmystyq is tergelýde. Búgingi kúni 70-ten asa turǵyn polıtsııaǵa shaǵymdandy, keltirilgen materıaldyq shyǵyn kólemi eseptelýde. Qazirgi tańda qylmystyq is boıynsha jedel-tergeý toby qurylyp, árbir aryz boıynsha jan-jaqty tekserý jumystary júrgiziletin bolady.
«Qala turǵyndarynan sabyrlyq saqtaýdy suraımyz. Eger Sizderge «Garant 24 Lombard» JShS-niń qylmystyq áreketterimen shyǵyn keltirilgen bolsa, jábirlenýshi jáne azamattyq talapker retinde taný úshin Qyzylorda qalasy, Qorqyt ata kóshesi №18 mekenjaıy boıynsha Qyzylorda oblysynyń Polıtsııa departamentine kelýlerińizdi nemese 29-50-46, 29-50-25, 29-75-20 telefon nómirlerine habarlasýlaryńyzdy suraımyz», -delingen habarlamada.
Qazaqstan Respýblıkasynyń Qylmystyq-protsestik kodeksiniń 201-babynyń (Sotqa deıingi tergep-tekserý derekterin jarııa etýge jol bermeý) talaptaryna sáıkes tergeý qupııalyǵyna baılanysty qylmystyq is boıynsha naqty málimetter jarııa etýge jatpaıdy.