Qyzylordada ǵalymdar jastarǵa ólke tarıhynan dáris oqıdy
QYZYLORDA. QazAqparat - Syr óńirinde «Tarlan tarıh taǵylymy» ataýymen ólketaný baǵytynda jańa joba qolǵa alynyp jatyr, dep habarlaıdy QazAqparat tilshisi.
Atalmysh shara aıasynda tarıhshy, ólketanýshy, mádenıettanýshy, saıasattanýshy, etnograf, arheolog pen jergilikti qoǵam qaıratkerleri jergilikti joǵary oqý oryndarynda ólke tarıhy týraly dárister júrgizilmek. Sharany uıymdastyrýshylar joba negizinde ishki týrızmdi damytý máseleleri eskeriletinin jetkizdi. Sonyń nátıjesinde ejelgi eskertkishter, kóne jádigerler, kıeli oryndarǵa arnaıy saparlar ótkiziledi dep josparlanǵan.
«Atalmysh ıgilikti shara negizinde salt-dástúrlerdi zerdeleýge mán berip otyrmyz. Sol arqyly qazirgi tańda el jadynan óshe bastaǵan qundylyqtar qaıta jańǵyratyn bolady», - dedi «Nur Otan» partııasy oblystyq fılıaly tóraǵasynyń orynbasary Erjan Baıtiles.
Partııalyq joba sheńberinde «Tól mádenıet jáne rýhanılyq», «Birilik pen kelisim», «Otbasy jáne dástúr», «Zııatker ult» sekildi qundylyqtar boıynsha da jumystar júrgiziledi. Sondaı-aq, «Balalarǵa arnalǵan aqysyz ІT-synyptar» jobasynyń da bolashaqqa urpaqqa beretin tálimi mol bolmaq. Bul baǵytta bıyl 8, kelesi jyly 16 mektepte ІT-synyptar ashý oılastyrylǵan. Osy baǵytta oblys aýdandarynda jáne qaladaǵy oqýshylar úıinde osyndaı oryndar jas órenderge qyzmet kórsetetin bolady.
Ádiljan Úmbet
