Qyzylordada ǵalamtor arqyly dinı alaýyzdyqty týdyrmaq bolǵan azamat sottaldy

QYZYLORDA. QazAqparat - Qyzylorda oblysynyń ІІD Ekstremızmge qarsy is-qımyl basqarmasy qyzmetkerleri júrgizgen keshendi is-sharalardyń nátıjesinde áleýmettik jeli arqyly dinı alaýyzdyqty qozdyrýǵa baǵyttalǵan qasaqana áreketter jasaǵan Qyzylorda qalasynyń 26 jastaǵy turǵyny ustaldy. Bul týraly QazAqparat tilshisi oblystyq ІІD silteme jasap habarlady.

Oqıǵa 2017 jyldyń naýryz aıynda oryn alǵan. Atalǵan azamatqa qatysty qylmystyq is qozǵalyp, destrýktıvti dinı aǵymnyń ustanýshysy ekendigi anyqtaldy. Tıisti saraptamalar taǵaıyndalyp, aıǵaq zat retinde aýdıojazbalar alynyp, birqatar jedel is-sharalar júrgizildi. Nátıjesinde joǵaryda atalǵan azamat 2017 jylǵy 5 maýsymda sot sheshimi boıynsha QR Qylmystyq kodeksiniń 174-baby 1-bóligine sáıkes kináli dep tanylyp, 2 jylǵa shartty túrde sottaldy.