Qyzylordada fýtboldan Tımýr Segizbaev atyndaǵy týrnır ótti
QYZYLORDA. QazAqparat - Qyzylorda belgili fýtbolshy Tımýr Segizbaevtyń qurmetine arnalǵan fýtboldan 2003 jyly dúnıe kelgen jasóspirimder arasynda respýblıkalyq týrnır máresine jetti. Bul báseke bıyl onynshy márte ótkizilip otyr, dep habarlaıdy QazAqparat tilshisi.
Dańqty fýtbolshyny eske túsirýge arnalǵan jarysqa elimizdiń birqatar aımaqtary men Syr óńirinen komanda synǵa tústi. Jarys barysynda Qazaly aýdanynyń komandasy jeńimpaz atandy. Odan keıingi oryndarǵa oblystyq №6 fýtbol jónindegi olımpıadalyq rezervtiń mamandandyrylǵan balalar-jasóspirimder mektebi jáne Jańaqorǵan aýdanynyń komandalary ıe boldy.
Jeńimpaz, júldeger komandalar jáne úzdik oıynshylar oblystyq Dene shynyqtyrý jáne sport basqarmasynyń, oblystyq fýtbol federatsııasynyń dıplomdarymen, sondaı-aq medal, kýbok, estelik syılyqtarymen marapattaldy. Úzdik oıynshylarǵa T.Segizbaevtyń otbasy atynan arnaıy syılyqtar berildi.
Júldeger komandalardy, úzdik oıynshylardy marapattaý rásimine Qazaqstan fýtbol federatsııasy prezıdentiniń keńesshisi Seıilda Baıshaqov, oblystyq dene shynyqtyrý jáne sport basqarmasynyń basshysy Oljas Akımov, oblystyq fýtbol federatsııasynyń prezıdenti Qaırat Ernazarov, fýtbol ardageri Erejep Serikbaev jáne Tmırý Segizbaevtyń týystary qatysty.
Avtory: Ádiljan Úmbet
